SHILLONG:
U Chief Executive Member (CEM) jong ka Khasi Hills Autonomous District Council (KHADC), u Pynïaid Sing Syiem, u la wanrah da ka Garbage Disposal Truck ha ka sngi Balang na ka bynta ban lum ban lang ïa ki ñiut na Ïewduh.
Nalor jong u CEM, ïa katei ka prokram ba wanrah ïa ka trok kit ñiut, la don bynta lang da u Executive Member (EM) uba dei peit ïa ka Health and Sanitation, u Victor Ranee, u Syiem jong ka Hima Mylliem, u Paiem Ainam Manik Syiem, ki heh jong ka District Council bad ki nongdie dukan hapoh Ïewduh.
Ka jingthmu jong ka jingwanrah ïa ka trok kit ñiut Garbage Disposal bad ban aiti noh sha ka Hima Mylliem, ka long ba ka KHADC ka la shimkhia ïa ka jingkhuid jingsuba ha Ïewduh, ong u CEM, u Pynïaid Sing Syiem.
La lah ban ong ba ka KHADC, ha ka jingwanrah ïa katei ka trok da u CEM, ka la don bynta lang ban peit bniah halor ka jingkhuid jingsuba jong ka Ïewduh bad ki hynriew tylli ki kyntoit ba markhap jong ki shnong. Ka committee kan sa khmih bniah halor ki mat ban pynthikna ba dei ban don ka jingkhuid jingsuba hapoh ka Ïewduh. Ïa ka Garbage Disposal Truck, la noh synniang lyngba ka Chief Minister Special Development Fund (CMSDF), kumba la pynbna da u CEM.
Ïa katei ka committee, la ïalam da u CEM ka KHADC CEM, u Pynïaid Sing Syiem, lem bad ka Executive Member kaba dei peit ïa ka Market, ka Grace Mary Kharpuri bad u Executive Member uba dei peit ïa ka Solid Waste Management, u Victor Ranee, kum ki dkhot.
