SHILLONG:
Wat haba u slap u la khyrwit ha Meghalaya ha kine ki sngi, u Myntri Rangbah Conrad Sangma u la pynbna ba ka Load-Shedding kan dangneh ha ka jylla.
U Myntri Rangbah ula maham ruh halor ka jingshaniah tang ha u slap kum ka tyllong sam bording, da kaba ban jur ïa ka jingdonkam ban hap phikir bha ha kane ka por.
U Myntri Rangbah u la kdew ruh ba watla u la jur u slap, ka jingshaniah tylli ha u slap ban sam bording ka ju buh jingeh ban pynbiang pura.
U la kdew ruh ïa ka jingdonkam ban phikir bha ka rukom pynïaid ïa ka jingsam ilektrik ha Meghalaya. U Conrad Sangma ula ïathuh ruh ba ka dei ka sien ba nyngkong eh ha ka khana pateng jong ka jylla ba ki lai tylli ki thaiñ ka Meghalaya, ka Ganol ha Garo Hills, Leshka ha Jaintia Hills bad ka Umiam ha Khasi Hills ki dei kiba noh synñiang ban sam bording.
