SHILLONG:
Ka Federation of Khasi Jaintia and Garo People (FKJGP) Riwar Mihngi circle ka la phah jingthoh kaba biang sha ka Meghalaya Energy Corporation Limited (MeECL) halor ka jingpynlip bording ha ki thaiñ Pynursla.
Ha ka shithi sha u Executive Engineer, East Khasi Hills Distribution Division, u President ka FKJGP circle, u Evanfield Khonglam u la ong ba ki paidbah kane ka thaiñ kim shym la ïoh jingtip ïa ka por jong ka jingpynlip bording, khamtam ha ka por ba ki pynmeh biang ïa ka bording electric.
U Bah Khonglam u la ong ruh ba ka jingpynlip bording ka la nangtam da ki kynta bad ka bun ka ju jia man la ka sngi.
U la ong kane ka jingpynlip ïa ka bording ka ktah bha na ka bynta kito kibapyn donkam bording electric, khamtam ïa kito kiba shaniah tang na ka bynta ka bording kum ki tiar electric kiba pyndonkam ha ïing, ki karkhana shna nar, ki nongshna computer bad kumjuh ruh ka ktah ïa ki khynnah pule ha kane ka juk mynta.
Kane ka seng ka la bynrap ruh ba ka la buh jingkyrpad ïa ka MeECL ba kin leh eiei kham kloi khamtam ha ka jingpynlip bording ha ki katto katne ki thaiñ kum ka Siatbakon, Pongtung, Pyrnai bad kiwei pat ki thaiñ.
