MAWKYRWAT:
Ka jingpyntrei ïa ka bynta jong ka surok na Jingkieng Borbasing, Ranikor shaduh Lad Alikwareng ka la ïaid beit shakhmat ha kaba u contractor bad ka NHIDCL kim shym la patiaw satia ïa ka jingbthah u Symbud Myntri, u Bah Prestone Tynsong ba dei ban shna pynheh kum ka 2-lane, bad ka jingshna ka la long hi kum ka single lane.
Ban shu pynkynmaw ïa kane ka Surok 2 Lane naka liang ka Company NHIDCL kala shna pynkit noh ïa ka Surok haka jing jngai kumba 3 kms tam eiei bad naka liang ka Seng FKJGP South West Khasi Hills District kala leit ïa kynduh ïa u Deputy Commissioner South West Khasi Hills District bad ruh haka naka liang ka Seng FKJGP ha ka 4 tarik u Nohprah, 2023 kala byrngem ban phah daka PIL lada kane ka company shna surok kam lah ban pyntrei daka 2 Lane kumjuh ruh watla u Bah Prestone Tynsong u ba dei u Myntri jong ka Tnad PWD jong ka Sorkar jylla u la leit jurip hi mar khmat ha ka 30 tarik u Naiwieng 2023 ha ryngkat ki ophisar Sorkar bad ruh la ïa donlang ruh u MLA ka thaiñ Bah Pius Marweiñ ha kaba ha ka tei ka jing leit jurip u Bah Prestone Tynsong u la kular ban phah pyn trei biang ïa ka Company NHIDCL daka 2 Lane ban pynheh shuh shuh ïa kane ka surok namar ka long kaba rit hynrei kane ka paw shai ba ka Company NHIDCL kam shem la patiaw ei ei ha kaba mynta kala pyndep ïa ka jing Siang ha baroh shi lynter kane ka surok bad ka long shisha kaba rit bad lada ïa kynduh kali heh ka long kaba shitom wat ïa ki kali rit ban ki ïaid na ki nala bad ïa ki jingker jong kane ka surok ki la pyntrei shait shait bad khlem ïoh i dak eiei ban tih ne ban pynheh ïa kane ka surok.
