SHILLONG:
Ka jingsdang ïa ka samoi synrai ne Autumn Session jong ka Meghalaya legislative Session kaba mynta ka sngi, ka 15 tarik, Nailur, u nongïalam jong ka seng Trinamool Congress (TMC), u Mukul Sangma, u la ong ba ka party kan sa shimti ïa ki katto katne tylli ki mat ba kongsan, kynthup ïa ka jonglong jingman ka Law and Order, ka jingïakren bad ka seng HNLC bad kiwei kiwei ha ka Assembly.
“Kaei kaei kaba donkam ka ban shimkhia, yn sa ïakren ha Assembly. Don ki katto katne ki mat ba kongsan, kum ka jinglong jingman jong ka Law and Order, ka jingïakren ïasuk bad ka seng HNLC, ka jingshimkhia jong ki paidbah ka ban sa ïakren,” ong u Mukul.
U Sangma u la ong ruh ba katkum ki tnat treikam bapher bapher, la don katto katne ki mat jong ka jingbym hok ka jingtreikam, ka jingbym biang ka jingtreikam kaba la dep shimkhia bad yn don ki jingïakren.
