SHILLONG:
U C V D Diengdoh IAS, uba dei u Secretary jong ka sorkar jylla, u la pyntip ba naduh mynta ka sngi, ka 22 tarik Naiwieng, kan don ka jingkhang shuwa shipor ïa ka internet haduh 48 kynta, ha ki 7 tylli ki distrik jong ka jylla. Kane ka hukum ka la mih hadien ka jingjia kaba jia ha ka shnong Mukroh, Block 1, West Jaiñtia Hills District, ha kaba san ngut ki Khasi ki la shah siat ïap ha ki pulit Assam.
Kine ki distrik ki ban shah ngat ha ka jingpynsangeh ïa ka internet, ki kynthup ïa ka West Jaiñtia Hills, East Khasi Hills, Ri Bhoi, Eastern West Khasi Hills, West Khasi Hills bad ka South West Khasi Hills.
