SHILLONG:
U MLA ka Mawkyrwat, u Renikton L Tongkhar ha ka 13 tarik Jylliew u la ïakynduh ïa u Myntri ka Public Health Engineering (PHE) department, Public Works Department (PWD), MePDCL, ki Tymmen Basan jong ka Balang Presbyterian Sakwang na ka bynta ka jingpynkhreh ïa ka jingpynlong ïa ka KJP Synod ha ka snem 2025.
Ha kane ka jingïakynduh jong ki, u Bah Renikton L Tongkhar u la ïathuh ba ka jingïakren ka long kaba ïoh jingmut bad la pynsngew ruh ba ki jingtrei ki dei ban ïaid shakhmar ban pynurlong ïa katei ka jingthmu.
Ki paidbah ki la ong ba ki khmih lynti ba kan don ka jingmoramot ïa ki surok, ka jingpynbiang ïa ki lynti ïaid kjat, ka jingpynbiang ïa ka bording elektrik, ka jingpynbiang ïa ka um bad ka jingpyndep ïa kiwei ki jingtrei.
U Bah Renikton L Tongkhar u la kyntuh ïa ki kontraktor bad ruh ïa ki paidbah ba kin ïa trei lang, khnang ba ki kam kin ym sahteng bad ba ka jingpynlong ïa ka Synod ka ban long ha Sakwah, South West Khasi Hills District kan long kaba ïaid beit ïaid ryntih.
