SHILLONG:
Ka sorkar jylla ka la shimkhia ban pyntreikam da ki lai tylli ki District Council (DC) jong ka jylla Meghalaya ba kan ïaid shakhmat da ka rukom pynthymmai ban pynshai ne digitalisation na ka bynta ka jingrekod ïa ki jaka ha ki shnong ba hap hapoh ka Sixth Schedule ha ka bynta ba nyngkong. Da kaba pyntip shaphang kane, hadien ka jingïalang bad ki dkhot jong ki lai tylli ki District Council, u Symbud Myntri ka jylla, u Prestone Tynsong u la ong ba ka jaka jong ka sorkar, jingbuh bynda ïa ki jaka bad ki jaka cantonment digitisation, yn sa shimkhia ha kawei pat ka bynta.
U la ong ba ki jaka ba la dep register bad ka ophis treikam jong u Deputy Commissioner ne District Council, kin sa pyntreikam da ka digitisation ha kaba nyngkong bad na ka bynta jong ki jaka bym pat dep register, ki jaka puta ba ai pateng, ka ophis jong u Deputy Commissioner ne ophis District Council kin sa shimkhia ban treikam halor katei “Baroh ar tylli ki ophis treikam, kynthup ïa ka Autonomous District Council (ADC) bad ka District Collector (DC) kan sa pynthikna ba kan sa pynmih da ki kot ki sla ba biang jong ki jaka ïa ki riew shimet ne ki party ki bym shym la register ïa ki jaka jong ki, kaba bud da ka jingpynmih da ki kot ki sla, ha kaba kito ïa ki jaka, yn pyntreikam da ka digitisation,” ong u Tynsong.
Haba la kylli shaphang ka jingpyndep ïa katei ka mat treikam, u Tynsong u la ong ba yn sa pyndep ha ka por ba biang mar syn biang ki rekod jong ki jaka, ha kaba ki jaka puta ba don jingïakajia, yn sa pynduna noh hapoh ka jylla.
