SHILLONG:
Ka Khasi Hills Autonomous District Council (KHADC) ka la thmu ban siew ïa ka bai bam(pension) jong ki dkhot barim jong ka. Ïa katei, la pyntip hashwa ka Meghalaya High Court ha ka sngi ba ar ha ka por ba pynbna ïa ka jingkyrpad ba la ujor da ki 22 ngut ki MDC barim.
Ïa katei ka jinghukum, la phah da ka ïing kashari kaba la ong ha u Bah VGK Kynta, u Sr counsel ba la ïarap da u Bah H Wanshong, u counsel na ka bynta ki nongkyrpad, sa shisien, mynta ka sngi u la phah da kajuh ka jingkyrpad ha kaba ïadei bad ka jingkyrpad jong ki nongujor bad ong ba ïa katei ka mat, dang khmih bad ka jingsiew ïa ka pisa, yn sa pyntreikam noh shen, naba la dep ïohpdiang ïa ki pisa synñiang.
U Bah BF Kharwanlang, u nongai jingmut na ka bynta jong ki nongkyrpad u la kynthoh jur bad kyrpad ba dei ban don ka jingkdew lynti kaba biang ban phah ha ka por ba biang ïa kitei ki jingkyrpad bad ban lah ban siew ïa ka bai bam sha ki MDC barim.
Ka ïing kashari ka la ong ba ka jingphah jong ki nongai jingmut, la dep buh rekod. “Ka long ka jingshisha kaba long ka lad ban ïakren biang ban ai jingbit na ka bynta ki nongkyrpad ba kin pynïoh ïa ka bai bam tymmen ïa ki MDC barim. Hynrei, ha ka jingdon jingmut jong u justice, la buh ïa kane ka phang ha ka 13 tarik, Nohprah 2023 na ka bynta ki jinghukum ban wan,” katkum ka Meghalaya High Court.
