SHILLONG:
Ka Shillong, kaba long ka nongbah jong ka Meghalaya, mynta, ka la pynkhreh ban pynïaid ïa kawei na ki tamasa ïa tem ïa put, ki jingbam jingdih bad kiwei kiwei kaba long shisien shi snem ha India, kaba tip kum ka “The Hills Festival Meghalaya”.
Ha katei ka tamasa, yn sa pynlong da ka rynsan ka ban sa pynïaid da ka kynhun tem na ka ri bad kiwei pat ki ri. Katei ka tamasa kan neh haduh ar sngi, ha ka 4 bad 5 tarik Naiwieng 2022 wat hapdeng ka jingitynnad jong ka mariang ha ka shnong Umbir bad ka wah Umiam ha Meghalaya.
Hadien ka jingkut ka ïa tem ïa put, yn sa don sa ka tamasa shaphang ka bam ka dih (Food Pavilion), ha kaba la shet da ki briew ba tbit na kiwei ki ri. Ïa ki bam ki dih, yn wanrah kyrpang na Meghalaya.
Haba la buh jingkynmaw hapoh ka khlieh shaphang ka khuid ka suba, ki nongpynïaid ki la pynithuh da kaba pynwandur ïa katei ka jaka da ki rong ki rup jong ka mei mariang. Haba ïakren shaphang ka khuid ka suba, la buh bynta da ka um bam um dih da kaba pynbeit da ki RO, na ka bynta ki tiar ki tar ban bam kum ki pliang bad ki pela, la buh da kiba lah ban pynum bad ki kot bad ki siej kiba lah ban pyndonkam biang hadien ba la dep pyndonkam nyngkong.
Ka jingïohi jngai jong katei ka tamasa, kaba la pynïaid da ka HYPE Meghalaya bad la pynmih da ka tnad jngohkai pyrthei jong ka Meghalaya, ka Meghalaya Tourism, ka long ba kan buh nyngkong ïa katei ka tamasa ha ka map jngohkai pyrthei jong kane ka ri bad ban pynkhring ruh kumjuh.
Haba ïakren shaphang ki kynhun tem ki long kine harum:
1) Ki kynhun nongtem ki ban sa pynkhring bha ha katei ka tamasa ki kynthup ïa ka: Bloodywood, Taba Chake, HanuMankind, Yung Raja, Karan Kanchan bad kiwei kiwei more
2) Katba ka bam ka dih ban shet ha katei ka tamasa ki kynthup ïa u nongshet kum u: nongshet ba pawnam bha, u TZac u ban sa don bynta lang bad ki nongshet na kane ka ri na ka bynta ki bam ba kyrpang na Meghalaya
3) Katba ïa ka bynta jong ka khuid ka suba: Ha katei ka tamasa, yn sa don ka khuid ka suba. Yn sa pyndonkam da ki tiar ki tar ba bam kiba lah ban pyndonkam biang ynda la dep pyndonkam nyngkong ïa ki ha katei ka jaka, ki um bam um dih ba la buh shi jaka, bad kiwei kiwei.
4) Ka jingniah ïa ki cycle bad ka jaka sah (Cycling & Camping): Ha katei ka tamasa, ka buh bynta da ka jingniah da ki cycle na ka bynta ban pynshongshit ïa ki paidbah ba wan jngohkai ïa ka shnong Umbir bad ka wah Umiam Lake bad na ka bynta ki nongshong shnong ruh kumjuh ki ban wan sakhi ha katei ka tamasa. Shuh shuh, don ruh ki ïing tap shiliang ne ki camping tent na ka bynta ka jaka sah, ha kaba ki briew kin ïoh ka lad ban sah miet.
5) Na ka bynta ki khyllung ki khynnah ha katei ka tamasa: Ha katei ka tamasa, yn sa buh kyrpang na ka bynta ki khyllung khynnah kum ka thup jingïalehkai byrngia ne ka PlayCare.
