SHILLONG:
Ka jingïakop rwai khasi kaba lah ai kyrteng ‘All West Singing Superstar’ Season 1 ba lah pynïaid da ka All West Dancer and Singer Association kan sdang noh naduh ka 10 tarik, Nohprah 2022.
Ïa ka audition, yn sdang noh naduh ka 10 tarik, Nohprah 2022 bad kan kut ha ka 10 tarik, Jymmang 2023.
Ïa ka audition bad ia ka Semi final, yn leh da ka online bad ïa ka Final, yn pynlong ha Tirot Sing Memorial hall Pyndengumiong, Mairang ha ka 11 tarik, Lber 2023. Yn shah tang ïa kiba na Eastern west khasi hills district, West khasi hills district bad South West khasi hills district.
Ki khusnam na bynta ki nongjop ki long 30,000 ïa kiba jop, 20,000 ïa kiba long ba ar bad 15,000 ïa kiba long ba lai bad yn don ruh 10 tylli ki Consolation prize. Ban tip kham bniah call ha u number 9366497955.
