SHILLONG:
Ka North East Congress Coordination Committee, Guwahati ka la ai ïa ka jingïaroh ïa ki paidbah nongshong shnong jong ka Kerala kiba la pynrem ïa ka BJP hapoh ka jinïialam jong u Myntri Rangbahduh Narendra Modi.
“Ngi ai ka burom bad ka jingïaroh ïa ki paidbah nongshong shnong jong ka Karbataka kaba la kyntait ïa ka jingsynshar jong ka BJP”, la ong ba North East. “Ka Congress ka la ïakhun ïa katei ka jingjied nongmihkhmat jong ka Karnataka halor ka nongrim ban peit ia ka bha ka miat jong ki paidbah bad khamtam ïa u kup shiliang bad u shem shilliang, ba ratdyngkhong ïa ki kam bamsap, ban pynïohkam ïa ki paidbah nongshong shnong, ban pynduna ïa ka jingkiew dor jong ki mar ki mata bad na ka bynta ka kyntiew ïa ka jingim nongshong shnong. “Ka BJP ka la shu shaniah tang ha ka pisa bad ka jingpynsngew jaitbynriew. Kane ka jingjop ka pyni ba ka Karnata ka shaniha ha ka saiñ hima sima kaba pynshongnia bad pynshong nongrim ha ka jingieid ha ka jaka jong ka jingisih, ka jinglah banïia im ïa sahlang da ka jingïasngewthuh jingmut bad ban kyntiew ïa ka ïoh ka kot jong ka jylla, la ong ka North East Congress Coordination Committee.Ka North East Congress Coordination Committee ka la ai burom ruh ïa u nongïalam jong ka Congress u Rahul Gandhi ba dei lyngba ka programme ïaid lynti pynsngewthuh paidbah Bharat Jodo Yatra”, kaba la trei borbah ban pynsngewthuh ïa ki paidbah ïa ka bor jong ka jingieid pyrshah ia ki bor jong ka jingisih bad ruh ïa ka ïoh ka kot jong ka ri.
Ka North East Congress Coordination Committee ka la pynpaw ruh ïa ka jingsngewnguh ïa u President jng ka Congress u Mallikarjun Kharge bad ia baroh ki dkhot jong ka seng Congress kiba la iatrei shitom ban wanrah ïa ka jingjop jong ka Congess ha Karnataka, la ong ka North East Congress Coordination Committee. Ka khubor ba la pathai da ka North East Congress Coordination Committee bad soi da u Diganta Chaudhury, uba long u General Secretary jong ka NECCC ka la ong ba ka khmih lynti bad u Myntri Rangbahduh Narendra Modi bad ïa Myntri ki kam pohïing jong ka ri, u Amit Shah ba kin peit ba ka jingsuk kan wah phai noh shen ha Manipur.
Ha kane ka jingjied ïa ki nongmihkhat na ka bynta ka Ïing Dorbar Thaw Aiñ jong ka Karnataka, ka Congress ka la jop haduh 135 ki nongmihkhmat ha ka Ïing Dorbar kaba don haduh 224 ngut ki nongmihkhmat. Ka Congress ka la lah ban shna ïa ka Sorkar Congress khlem ka jingïarap jong kiwei ki seng saiñ hima sima. Kane ka long namarba ka jingjop jong ka Congress ha kane ka jingjied nongmih khmat na ka bynta ka ka Ïing Dorbar Thaw Aiñ jong ka Karnakata kala la palat ïa ka marshiteng.
