SHILLONG:
U nongïalam ka United Democratic Party (UDP) u Bah Bindo M Lanong u la ong ba ka jingleit dawa Khasi State jong ka HSPDP sha Nongbah Delhi ka dei tang ka kam politik suda.
Haba kren bad ki lad pathai khubor, u Bah Bindo u la ong ba kan leh aiu kata ka HSPDP halor kane ka jingdawa namar ki don tang shikham bad lada ki kwah ba kane ka jingdawa kan urlong la dei ban ïakhot lang ban khlaiñ ka jingdawa.
“Da u Bah Hopingstone Lyngdoh, uba la sdang katto phew snem ruh kam poi shaei shaei, ka don ka jingdonkam ban phiah ïa ka jylla hynrei leh katkum ka nongrim”, u la ong.
U la ong ruh “Ki Garo ki dei ki briew ba bha bad ngi lah ban im bad ki hynrei bad kiwei ki jaitbynriew ngim lah ban ïa im lang ka don ka jingsngewthuh jingmut bad lada ngi kwah ban imlang kumba ju long naduh ba sdang kam leilei hynrei lada na Khasi bad Garo ki kwah ki lah ban ïa phiah”.
“Ki Garo ki dei ki briew ba bha bad ngi lah ban ïa im lang hynrei lada ki kwah ban ïa phiah lang da ka jingïasngewthuh jingmut lang kan ym leilei ban phiah ïa ka jylla Meghalaya,” u la bynrap.
