SHILLONG:
Hadien ba ka seng Bharatiya Janata Party (BJP) ka la pynduh tiket, u Bah Michael Kharsyntiew u la sei madan ïa ka kam barieh jong ka seng ba u la siew haduh T.34 lak tang na ka bynta ka tiket.
Kane ka jingsei madan ka long hadien ba ka BJP ka la pynduh tiket ïakhun na 18 North Shillong kaba u la wanrah halor ka mat ba ka don ka jingthied da ka pisa ban ïoh ïa ka tiket.
Haba kren sha ki lad pathai khubor u Bah Michael u la ong, “Ba ka la don ka jingshim pisa na nga ban ai ka tiket bad ka pisa ba nga siew ruh ka long T.34 lak ban ïoh ka tiket. Hadien ba nga la rah ïa kane ka mat, ki la ai ïa nga da jingthoh ban pan jingshai bad nga la hap ban ujor sha ka Disciplinary Committee bad shisnem ki la pynkhreh ïa kata ka kaiphod. Ha ka shithi la thoh ba la pyllait ïa u bad ka la don ka jingshim pisa na ki arngut ki nongïalam ka seng BJP, kata na u President barim bad u General Secretary”.
Kumta na ka liang u Bah Michael wat la u la sha pynduh tiket ha ka seng BJP u la rai ïalade ban ïakhun kum u kyrtong shimet.
