SHILLONG:
U Kyrtong ka People’s Democratic Front (PDF) na Mawkynrew konstitwensi u Bah Banteidor Lyngdoh, u la ong ba u don ka jingngeit ba ki kam ki kren kham jam ban ïa ki ktien, na ki kam kiba ula trei ha kine ki san snem kum u MLA, um don jingartatien ba ki paidbah kin dang pynjop ïa u ha kane ka elekshon MLA 2023 ka ban long ha 27 tarik mynta u bnai.
Haba kren ha khmat ki phew hajar ngut ki nongkyrshan ha ka jingïalang ïalap elekshon ha shnong Thynroit ha ka 24 tarik u Rymphang, 2023, u Bah Banteidor u la ong ba ha ki rynsan ïalap elekshon jong kiwei pat ki seng saiñ-hima ki mih shibun ki jingkynnoh ba lai phew jait pyrshah ïa u hynrei ki paidbah kiba la sakhi ïa ki kam kiba u la leh na ka bynta ka konstitwensi kin sa jubab ïa kitei ki jingkynnoh baroh.
U Bah Banteidor u la bynrap ruh da kaba pynkynmaw ba shwa ka elekshon MLA 2018 u la rah ïa ki mat ba lada u jop un kyntiew ïa ka konstitwensi da ki kam pynroi bapher bapher.
“Ka Mawkynrew ka la kiew ha bun ki liang da ka jingïatreilang bad ki bor shnong kumjuh ki paidbah nongshong. Nga buh ka jingshaniah ha phi ki paidbah bad ngam artatien ba ngan jop biang da ka jingieid jong phi,” u la ong.
U la bynrap da kaba ong, “Ka jingjop jong nga ka dei ka jingjop jong ngi baroh bad ngin ïatrei shitom ban kyntiew ïa ka konstitwensi kham bun shah na kaba ngi la leh ha kine ki san snem.”
U la ai khublei ïa ki paidbah baroh kiba la wan ban ïa don lang ha kane ka jingïalang.
“Ngin pynskhem ïalade ynda mih nangne ba ha ka 27 tarik ngin thep ïa ka vote da ka jingduai bad 2 tarik pat ngin ïa kmen bad sdang ïa ki kam shaid shaid,” u la ong.
Ha kane ka jingïalang la ïoh ruh ïa ka jingkren na u Bah Tympang Pohshna, ka Dr Amanda Pakynteiñ kaba dei ka kurim u Bah Banteidor, u Bah James Ban Basaiawmoit, Vice President ka People’s Democratic Front nalor kiwei pat kynthup ki nongkitkam ka PDF ZONAL Committee Mawkynrew konstitwensi.
La pynshong shit ïa ka jingïalang da ki jingrwai, jingshad tynrai na ka thaiñ, ki phawar bad kiwei pat.
Haba kren sha ki phew hajar ngut ki nongkyrshan na kylleng ka constituency ha ka jingïakynduh lang ha ka shnong Thynroit, u Bah Banteidor u la ong ba ha ki rynsan ïalap elekshon jong kiwei pat ki seng saiñ-hima ki mih Shibun ki jingkynnoh ba lai phew jait pyrshah ïa u, ki paidbha ka konstitwensi ki sakhi ïa ki kam kiba u la leh bad kin sa jubab.
U la bynrap da kaba ong ka Mawkynrew ka la kiew ha bun ki liang da ka jingïatreilang bad ki bor shnong kumjuh ki paidbah nongshong. U la pynpaw ruh ba kum u nongïalam u don ka jingshaniah ïa ki paidbha bad um artatien ba kin pynjop biang ïa u da ka jingieid ka jong ki.
U Bah Banteidor u la bynrap ruh da kaba ong Ka jingjop jong u ka dei ka jingjop jong baroh bad kin trei shitom ban kyntiew ïa ka konstitwensi kham bun shah na kaba ki la leh ha kine ki san snem.
Ha kane ka sngi la ïoh ruh ka jingkren na u Bah Tympang Pohshna, ka Dr Amanda Pakynteiñ kaba dei ka kurim u Bah Banteidor, u Bah James Ban Basaiawmoit, Vice President ka People’s Democratic Front nalor kiwei pat kynthup ki nongkitkam ka PDF ZONALCommittee Mawkynrew konstitwensi.
La pynshong shit ïa ka jingïalang da ki jingrwai, jingshad tynrai na ka thaiñ, ki phawar bad kiwei pat.
