SHILLONG:
U National President ka National People’s Party U Conrad Sangma haba jubab ïa ka jingkylli halor ka jingmih bad ka jingiehnoh kum ki MLA jong ki ar ngut ki MLA ka seng, u la ong, kan bha ban kylli na ki na kaei ka daw ba ki mih noh.
U National President ka NPP u la bynrap ruh da kaba ong, “kane ka jia ha ka politik, ka jia ha ki seng saiñ pyrthei, ki la shim ïa ka rai ngam don eiei ban ong halor kane.”
U la kitbok kit rwiang ïa ki ba kin lah ban trei bha ha ki kam ki jong ki. U la bynrap ruh da kaba ong ba kine ki MLA ki lah ban ïakhun ilekshon na kano kano ka seng hynrei na ka liang ka seng kan ïaid sha khmat ban pynkhreh ïa ka ilekshon na kine ki constituency.
Lah ban kdew ba ar ngut ki MLA ka NPP kynthup u Benedic R Marak bad ka Ferlin CA Sangma kila iehnoh ia ka jinglong MLA ban leit iasoh sha ka BJP ryngkat u bah Himalaya M Shangpliang hynnin ka sngi. Kila aiti ia ka shithi iehnoh ia ka jinglong MLA ha u Lamphang u bah Metbah Lyngdoh, uba la pdiang ia ka rai jongki.
