SHILLONG:
U Bah Ardent Miller Basaiawmoit, u President ka Voice of People party (VPP) u la ong ba ka Voice of People Party (VPP), kan ym ai jingkyrshan ïa kano kano ka party namar ba ka kwah ban pynkhlain ïa la ka party na ka bynta ka election ban wan.
U Bah Ardent Miller Basaiawmoit u la kyntait ïa halor ka jingkam jong u bah S Osborn Kharjana u Kyrtong ka Congress na Sohïong Constituency, u ab la kam ba u bah Ardent u la phah ïa ki nongkyrshan ka VPP ban ïa ka jingkyrshan ïa ka Congress ha kane ka election Shiteng samoi ha Sohïong.
U Bah Ardent u la kren ïa kane ha ka jingïalang jong ka VPP ha poh ingdorbar ha Mawkyrwat ha ka sngi ba la pynrung ïa ki dkhot na ka bynta ka Mawkyrwat bad ka Ranikor Konstitwensi.
Ha ba kren ha ka jingïalang u Bah Ardent u la ong “Ki nongshïong baroh ki wan ban pan jingmut na nga ïano ban kyrshan hynrei nga ong ngam lah ban ai jingmut ïa ki, ïano kin kyrshan, bad ka jingkren u kyrtong ka Congress ha Sohïong ka dei ka ba bakla shibun, ka bym don nongrim bad kum ka party ngim lah ban kyrshan ïano ïano bad ka dei ka jingïalam bakla ïa u paidbah ,balei phi kwah ïa ka jingkyrshan u bah Ardent ha ba phi la kyntait ban pdiang ïa ka jingtyrwa naduh nyngkong”.
“Kumno ngin kyrshan ïa u briew u ba la kyntait ban don bad ngi naduh ka sngi ba nyngkong, wat ïalam bakla ïa ki paidbah wat ban leh ïa ka jingpynrung riewdkhot ha Sohïong ruh ngim pat kwah namar ka dang don ka election , hynrei ka long ka ba sngewsih ba ki wanrah ai ka kyrteng u bah Ardent ha ka ne ka election bad ha ka jaka ba kin pan ïa ka jingïarap na ki nongïalam lajong ki pan pynban na u Prah u ba tang u kyrtong ruh ym don ka don jingmut aiu kata”u la bynrap .
“Teng teng la shu kwah jop kulmar, une u Prah um lah ban shu leit peh kulmar , un peh tang ha ka jaka ba u dei ban peh ym ban shu peh kulmar ïa u prah, kane ka dei ka bor jong ka jingkylla ka ba u paidbah u kwah bad lada phi kwah ïa ka lawei jong ki khun ki kti jong phi ka ba phyrnai, kan dei lyngba ka VPP”, u la ong.
“Ka jingkwah Prah u paidbah ka long ka ba shyrkhei , ka Sohiong Konstitwensiki briew ki kwah palat ïa u prah balei uta u prah um wan shane bad haba ngi wad kyrtong ngim ïoh ïa u ba sngewbiang dei na ka ta ka daw ba ngim lah ban sei kyrtong”u la ïathuh.
“Ka jingkwah jingkyrshan na u prah haduh ba ki la klet ïa ki nongïalam lajong bad pan ka jingkyrshan na ngi kynnoh pynban ïa u bah Ardent , u kyrtong ka Congress u ba la wan ban ïa kynduh la ar sien ai nga nyngkong kum u kyrtong ka UDP bad nga la tyrwa ban don lang noh bad ka VPP hynrei u la kyntait hadien u la wan baing ban pan jingkyrshan na ka bynta ka Congress”, u la ong.
“Nga kren da ka ba shai ba ngim lah ban ai jingkyrshan, namar ngi pynkhreh ban pynkhlain ïa ka party hadien ka ne ka election”u la bynrap.
