SHILLONG:
Katba ki jingïalap na ka bynta ka ilekshon ka dang shongshit, ki la mih ki jingkynnoh sam pisa ïa ki katto katne ki kyrtong. U Bah Brolding Nongsiej, u kyrtong ka United Democratic Party (UDP) na Mawthadraishan konstitwensi uba dei ruh u Myntri ka sorkar Meghalaya, u dei uwei na kiba shah kynnoh.
Ka Election Commission ka la pan jingshai na u Myntri ka sorkar Meghalaya u Bah Brolding Nongsiej halor ka jingkynnoh ba u la sam pisa ha ka konstitwensi jong u, hapoh ka prokram pynroi nongkyndong, kaba long pyrshah ïa ki kyndon ka Model Code of Conduct (MCC), ïathuh ki heh sorkar ha ka 23 tarik Rymphang.
Kawei ka sengbhalang ka la ujor sha u Returning Officer halor ka jingkynnoh ba ka la ïohi ïa kawei ka longkmie kaba shim ïa ka pisa ba la ai u Myntri.
Haba shimkhia ïa kane ka jingujor, u Returning Officer ka Mawthadraishan Assembly konstitwensi jong ka West Khasi Hills District u la bthah ïa une u Myntri uba dei ruh u kyrtong ka United Democratic Party (UDP) ban ai jubab hapoh ka 25 tarik u Rymphang.
Ka ilekshon sha Ïing Dorbar Thawaiñ ka Meghalaya kan long ha ka 27 tarik u Rymphang bad ïa ki vote yn ñiew ha ka 2 tarik u Lber.
