NONGSTOIÑ:
Ka seng National People’s Party (NPP) Nongstoiñ konstitwensi ha ka 28 tarik Kyllalyngkot ka la ïoh ban pyllait paidbah ïa ka kaiphod jong ka jingtreikam u Bah Macmillan Byrsat ha kine ki san snem jong ka jinglong MLA jong u ha ka jingïalang kaba la long ha Upper New Nongstoiñ.
La ïoh ban pyllait paidbah ïa katei ka kaiphod jingtreikam da u General Secretary ka NPP Nongstoiñ Block u Bah A. L Syiem ha ryngkat ka jingïadonlang ki nongïalam bad ki dkhot ka NPYF, NPP Women Wing bad NPP Media Cell.
U Bah A. L Syiem haba kren ha katei ka sngi u la pynsngew ruh ïa kiba bun ki jingtreikam bad ki matti jong ka roi ka par kiba u MLA u la leh na ka bynta ka Nongstoiñ.