KYNSHI:
U MLA ka Mawthadraishan Konstitwensi uba long ruh u Myntri ka sorkar jylla bad u kyrtong jong ka seng United Democratic Party (UDP) na Mawthadraishan Konstitwensi, u Bah Brolding Nongsiej ula pynshai sha ki paidbah ba u khlem sam skhim shuh hadien ba la treikam ïa ka model code of conduct hynrei ka jingmih ki khubor ba sam skhim ka dei tang ka jingkynthoh ban ïalam bakla ïa ki paidbah ha ka por elekshon.
Haba kren ha ka rynsan ïalap elekshon kaba la long ha ka shnong Kynshi ïa kaba la pynïaid da ka dorbar shnong Kynshi Mawria ha ka 24 tarik u Rymphang, U Bah Nongsiej u la ong, “Lada phi sngewdei, pynjop biang ïa nga ha kane ka kynti kaba mynta ba ngan ïoh hattrik”.
