SHILLONG 28:
U MLA ka 33-Rambrai Jyrngam konstitwensi u bah Kimfa S Marbaniang, ha ka 28 tarik Nohprah, u la wan ban aiti ïa ka shithi ban iehnoh ïa ka kam kum u MLA ha khmat u Lamphang ka ïingdorbar thawaiñ u bah Metbah Lyngdoh.
Ha ka shithi iehnoh kam MLA, u la ong, “nga wan ban aiti ia ka shithi ban iehnoh ïa ka kam kum u MLA ka 33 – Rambrai Jyrngam konstitwensi, ha ka Meghalaya Legislative Assembly ka ban trei kam naduh ka 28 tarik u Nohprah 2022”. U bah Kimfa u la jop kum u MLA na Rambrai Jyrngam konstitwensi ha u snem 2018 na ka Congress hynrei u la shah sospon noh na ka party na ka bynta 3 snem ha ryngkat ki saw ngut ki MLA ka Congress.
Katkum ka khubor ba la ïoh, u bah Kimfa hadien ba u la iehnoh kum u MLAha ka 28 tarik Nohprah, tang ha ka 29 tarik Nohprah un sa pynïasoh noh ïalade sha ka National People Party (NPP) ha ka jingïalang ka ban long ha ka shnong Rambrai.
