SHILLONG:
Ka seng saiñ hima sima United Democratic Party (UDP) mynta kam lait khih shuh namarba ka la shah the shah khum ha ka seng saiñ hima sima jong ka National People’s Party (NPP) hapoh ka jingpynïaid jong u Myntri Rangbah Conrad K.Sangma.
Uwei na ki nongthoh kot khubor bad nongai jingthoh ha ki kot khunbot, u Bah Phillip Marwein u la ong, “Ka UDP hapdeng ka snem 2018 bad 2022 ka UDP ka la shah teh mraw ha ka NPP jong u Conrad K. Sangma. Kam don lad da kum wei shuh, lait noh sa tang ba leh ïa ka mon jong u. Ka UDP ka lah ban shu pynsawa kumne kumtai, hynrei kan um lah ban leh eiei. Lada u Myntri Rangbah Conrad K. Sangma um lah ban tehlakam ïa ka mang kam mang jam bad ïa ka roster system, ki jingeh khappud, bad ka jingkyrduh kam kyrduh jam hapdeng ki samla, ka Meghalaya ka lah ban klang ding palat ïa ka Manipur.
Kane ka long namar ba ki pliah ding ki la sdang mih lypa. Hynrei, ainguh ba na ka daw jong ka jingbym don kane ka jingstad, ka jingbym ïohi jngai, ka jinglong plem plem ki seng bhalang, ki seng saiñ hima sima khlem bniat bad kum juh ruh ka Liang Pyrshah kaba pynmih ba ka Dong Mihngi ka pyndem ha ka Dong Sepngi. Kane ka long kaei kaei kaba ym lah ban pdiang. Kane ka long kaba ym lah ban pdiang na ka bynta ka pateng kaba mynta kaba mad ia ki jingkylla”.
