SHILLONG:
Ki nongïalam, ki dkhot bad ki nongkyrshan ka UDP Pynursla circle ryngkat u kyrtong u Bah Anthony Kongwang kila noh synñiang da ka pisa kaba mih na ka jingnoh synñiang sha ka longïing ka Kong Phanglang Khongkhñiañ ha kaba 4 ngut kynthup u kpa bad 3 ngut ki khun kila khlad na ka jingkem ding ka ïing ha ka step 19 tarik Rymphang 2023 ha shnong Mawlam kaba hap ha Pynursla konstitwensi.
Na ka liang ka UDP Pynursla circle ryngkat u Bah Anthony kila phah ruh ïa ka khubor sngew lem sha kiba ha ïing ha sem halor kane ka jingjia.
Lah ban kdew ba u Bah Etan lem bad ki 3 ngut ki khun kata 2 ngut ki dei ki shynrang ha ka rta ba 10 bad 6 snem bad kawei ka khun kynthei kaba dang 4 snem ka rta ki la khlad noh hadien ka ïing jongki ka pluh.
Katba ka lok jong u Bah Etan ryngkat bad ki arngut ki khun kynthei ki la lait noh namar ki thiah la ka jong ka kamra.
Ha kane ka jingtohkit ki pulit ki la lap ba kane ka jingpluh ding ka wan na kamra ïingshetja bad ka la pur sha kiwei ki kamra.
