MAWKYRWAT:
Ka National People’s Party NPP mynta ka sngi ka 6 tarik u Rymphang 2024 ka la ïoh ban pynlong ïa ka jing ïa kynduhlang naka bynta ki dkhot jong ka NPP Ranikor Block Committee ha ka jing ïa donlang u Bah Hamletson Dohling State Working president Meghalaya Dr. Ampareen Lyngdoh MLA Minister jong ka jylla Meghalaya I ba dei ruh I kyrtong ban ïa khun ïa ka M.P naka Shillong Parliamentary Seat kum ka kong san ha ryngkat da ka jing ïa donlang u Bah Kitborlang Nongrem State President NPYF Bah MacMillan Byrsat MLA barim ka Nongstoin Konstitwensi kiwei de ki nongkitkam jong party naka Ranikor Block Committee bad da ki hajar ki paidbah kiba la wan ha kane ka jingïalang kaba kila pynlong ha Rangthong Community Hall South West Khasi Hills District.
Ha kane ka sngi naka liang ka party NPP kala ïoh ruh ban jied ïa ki Nongkitkam jong ka Executive Committee jong ka Ranikor Block Committee haba la ïoh ban jied president ïa u Nelbi T.Sangma bad Working president ïa u Mandilos Nongbri ha ryngkat ki 34 ngut ki Executive Members ha kajuh ka por la ïoh ruh ka jing pdiang burom ïa u Bah Mandilos Nongbri ha ryngkat bad ki kynhun kiba la wan pynïasoh ïalade bad ka party NPP.
Ha kane ka sngi la ïoh shibun ki jing kren naka Dr.Ampareen Lyngdoh kum ka Kyrtong ka ban sa ïa khun ïa ka MP naka Shillong Parliamentary Seat naka party NPP ban pynshai ïa ki kam ba naka liang ka party NPP kala leh ha kine ki snem ba ladep naduh ka Sorkar MDA-I haduh kane ka MDA-2 kumjuh ruh la ïoh jingkren na u Bah Hamletson Dohling Bah MacMillan Byrsat MLA barim jong ka Nongstoin Konstitwensi bad ki wei de ki riew rangbah ha ryngkat da ka jing ïa donlang ruh ki nongkitkam ba ha khmat jong ka party NPP kumjuh ruh naki dkhot nongkitkam jong kitkam ba ha khmat naka Ranikor Block Committee bad da ki spah ngut ki paidbah kiba la wan sakhi lang ha kane ka sngi.
