SHILLONG:
Ka Congress ka la ujor sha u District Election Officer (DEO), East Khasi Hills, Meghalaya ban weng noh mardor ïa ki dur jong u Myntri Rangbahduh ka ri u Narendra Modi, u Myntri ka tnad kam pohing u Amit Shah, u President ka BJP u JP Nadda kiba la tah ha ki nar ilektrik, ki jaka pynïaid kali, ki jaka ap bos ha kylleng ki jaka ha ka nongbah Shillong.
Ha ka jingujor ka Congress ka la ong ba kine kila wah ha ki mar paidbah bad ki jaka bym ai jingbit kiba la pynjaboh khait ïa ka sor Shillong.
“Kane ka dei ka jingpynkheiñ pylleiñ pylleiñ ïa ka aiñ elekshon ne Model Code of Conduct. Kine ki kynthup ïa kito kiba la don ka jingïoh jingbit hynrei kiba khlem kano kano ka jingmynjur”, la ong ka Congress.
Ka Congress ka la kyntu ban weng noh mardor ïa ki jingtah dur shi syndon, la ong ka kyrwoh na u Sanjay Das, u General Secretary ka MPCC.
