SHILLONG:
Ka Sorkar Meghalaya ka la pynbna ba baroh ki ophis Sorkar bad ki jaka pule kiba hap hapoh jong ka 23-Sohïong (ST) Konstitwensi kin khang ha ka 10 tarik u Jymmang, 2023 ban ai lad ïa ki nongshong shnong ba kin ïoh ban leit thep vote ha katei ka sngi, na ka bynta ka jingpynlong biang ïa ka jingjied ïa u nongmihkhmat sha ka Ïing Dorbar Thaw Aiñ ka jylla.
Ki jingtrei kam ha ki karkhana bad ki jaka trei kiba hap hapoh jong ka N.I. Act, 1881, kynthup ïa ki dukan, kito kiba hap ban ïa kylliang trei, ki nongbylla, bad ki nongshong shnong jong ka Sohïong, wat lada ki trei shabar jong katei ka konstitwensi, ma ki ruh ki dei ban ïoh shuti bad ba ki dei ban ïoh bainong na ka bynta katei ka sngi, kumba la kdew hapoh ka Section-135B of the Representation of the People Act, 1951. Ïa kane ka pynbna da u Commissioner & Secretary, General Administration Department, Government of Meghalaya.
