SHILLONG:
U MDC ka Mawkynrew Konstitwensi, u bah Martle Mukhim u la ong hadien ba u la shah rem ha ka Election ka ba dang shudep shen , ki nongkyrshan jong u ki la wan ban kyntu ïa u ban ïa khun ïa ka election MDC hynrei na ka liang jong u yn dang hap ban bishar ïa kane.
“Ka dang kloi palat ban ïa kren halor ka MDC election namar ka por ka dang bun hynrei ha ka jingïalang ba la pynlong ha ka 11 tarik u Lber, ki nongkyrshan ki la ïakren ruh na ka bynta ban pynkhreh halor ka election 2024 kata ka MDC election ha ka ba ngan dang bishar ïa kane”, u la ong.
U la bynrap Ha ka ba ïa dei bad ka election 2024, ngin dang shong pyrkhat bad ka dang dei ka por ban gin kylli pyrthew lang namar nga la mad ïa ka jingjop la bun sien bad ïa ka jingrem la bun sien ki ba la thait ruh ki don ki ba dom ruh ki don bad kan shong ha ka rai jong ki ba bun balang namar nga ju sngap ïa ki.
U Bah Martle u la ong ba ka jingshah rem jong u ha ka election ba dang shu dep ka dei ka daw jongno jong no ruh hynrei ka dei namar ba bun na ki kyrtong ki la pyndonkam da ka bor jong ka pisa.
“Ka jingtheh pisa jong kine ki kyrtong ka la wan kum ka erïong erngit ka ba la tap ïa ka jingmut jingpyrkhat jong ki ba bun bad pynlong ba ngan shah rem noh”u la bynrap.
Halor ka party HSPDP u la ong ba “Ka HSPDP la kan dang hiar ne kan kiew kan shong ha ka rukom trei ka party ka ba kan trei man ka sngi , hynrei ha ka election ba la dep ngi told palat namar ba ngim don pisa” .
