Ki Paidbah ka Ri Khasi baroh ki don ïa ka hok ban ïoh ïa ka jingstad, hynrei haduh mynta ym don ki ba ïoh ryntih ïaka jingtip. Ka daw baroh dei bym don lad ba ka rem palat. Mynta ngi dawa ba ka Sorkar ba mynta ne ka Sorkar ban sa wan, ka dei ban don noh ïaka New Educational Policy ha ka ba dei ban ai Free Education naduh ki kyrdan Nursery haduh ki kyrdan ba heh duh jong ki jing pule. Ki khun ka Ri Khasi lada ki kwah pule Doctor ka dei ban long Free, lada ki kwah pule Engineer ka dei ban long Free bad ha baroh ki line katba don kam ka dei ban long Free.Ym tang ka Free Education, ha ki jaka ba ki pule dei ban biang lut ki facilities ba kin lah ruh ban ïoh ïa ki Physical Training ba kin long fit bad ba kin khlaiñ ka bor met ruh kum ba khlaiñ ki shipai ïada ri.
Ha ki skul rit ne ki skul bah dei ban pynmih ïa ki degree thymmai ha kaba ki student ki dei ban Master Syndon ïa ki Kam Business ba kin lah da ka basuk ban ïoh long ki Big Business Owner ha ki kam ba ki thrang kat haduh ba lyngba jong ki, ka ri kan kiew shaphrang ha ka ïoh ka kot. Ka Sorkar ka dei ban pynduh noh ïaki taki Merit System ha ka ba ym dei ban ai lad tang ïa ki ba tbit, hynrei ka dei ban lah ban sei ïa ki policy, ba baroh kin long kiba tbit bad baroh kin ïoh ka lad ban pyndep hok ïa ki kyrdan pule kum ba ki la thmu.
Ka Sorkar kadei ban pynduh noh ïa ki kot ki Sla ki ba shu pynbun kam ïa ki student ne ïa ki kmie ki kpa ban pyn biang ban submit ha ki jaka pule, haba ka dei free balei dang pan ïa kita ki Birth Certificate, ki Aadhaar bad ki wei ki wei ki document.
Ka Sorkar ka dei ban ai lane pyntrei kam daka Educational System ha ka nongrim ba ki student kin ïoh ïaka jinglaitluid ban pule khlem ki kyndon ba bun syrtap. Mynta ngi dawa ïa ka Sorkar ba kan pyntrei kam noh mardor ïa ka free, bad Fair Open Source Educational System ryngkat ki Complete Educational Infrastructure ki bakhlaiñ ha baroh ki jaka pule ki ba dei ban don noh kloi kloi kloi ha baroh ki shnong ki thaw jong ka jylla Meghalaya.
Ka Challenge naki Paidbah lyngba ka KNA: Lada ka Sorkar ka buh teng lane ka pynslem ban pyn trei kam mardor ïaki tei ki jing dawa, ka KNA kan shim ïa ka jingkitkhlieh ban sdang hi ïa ka Open Source Educational System da kaba kan ai jinghikai hi ïa ki paidbah ba kin long Master hi ha ki Subject Crypto Education, Agriculture, Environment & Forest, Science & Technology, Self Defense, Fitness, Infrastructure Development, Communication, Trade & Marketing, bad ki wei ki wei de ki Innovative Technology.
Shisien ba ngi la ïaid shakhmar, yn ym don pat ba lah ban khang, ngi dei unstopable warriors. Ki paidbah bym pat shai ki dei ban shai bad ngin pynshai, ngi la mih madan mynta ngi la don ha madan thma. Phin shai ynda phi la ïa mih lang ha madan bad ngi.
Da u Bah Charlie Tambor L Mawlieh, Khasi National Academy
