Ka bamsap ka dei ka jingpynap shrip lane ka shangkhawiah ba uno uno u briew/ka briew kin ym lah ban ïaid lait na kane.Ki daw te kiba bun hynrei ngan jer tang lai tylli ki daw jong ka.Kaba nyngkong eh ka dei ba u briew lane ka briew kiba im hangne ha sla pyrthei ki wad eh ia ki jingsuk.Kaba ar ka dei ka jingkwah ïa ka bor kaba lai pat dei ka jingkwah burom briew.Kumba la tip hi kylleng satlak ka pyrthei ba lada kwah ban ioh ïa kine hap ban don ka pisa.
Namar u briew u tip bha ba shisien ba la ioh pisa te la ioh ruh ban teh lakam ïa ka. Shu buh mynta nga, nga dei u Head Misteri bad lada nga pyntrei ïa kano kano ka kam Lada nga ong ngan pan pisa na ki trai ïing ban thied tiar ban pyntrei shubuh nga pan shi lak tyngka katba ki dor jong ki tiar pat dei tang hynñiew phew hajar bad nga pyni shi lak tyngka ha ka receipt ruh kata ka lai phew hajar pat la bam ei da nga.Kane ruh ko lok ka dei ka bamsap.
Balei kane ka bamsap ka nang ïeng rasong bad khlaiñ bor haduh katta katta hooid wat kiba bun ruh ki la ïa pyrshang ban rat diengkhong ïa ka hynrei nga ïohi pat ba ka ding jong ka, ka nang ïai klang. Ka daw tynrai ka dei ba ha uno uno kano kano ka briew la pun lypa ïa ka jingrhah. Nalor ba don lypa ka jingrhah hapoh jongngi ko paralok bad nalor don sa u nongpynshoi ba na sha lyndet ka bym lah ban ïohi da ki khmat ba kynja doh kine kin ym pynlah ïa ngi ban phai dien noh na ka bamsap.
Ka nuksa kaba kongsan tam ban pynbthei ïa kane ka bamsap na ka dohnud jong phi dei ban peit thuh haba u Blei u la thaw ïa u Adam bad ka Im bad u la buh ïa ki ha kper Eden bad ki soh ba har rukom kiba ki lah ban bam u la buh. Hynrei u la Adong pat tang ban ym bam ïa u soh Adong. Lada phin bam ïa uta u soh da kaba ïap phi ïap shisha ong u Blei. Hynrei u Ksuid pat u wan ban pynshoi ha ka Im da ka jingpnah ka ktien jong u da ka jingkhroh jali jaum ïa ka Im. U la ong lada phi bam ïa uta u soh phin ym iap. Hynrei yn plied ïa ki khmat jong phi bad phin long kum ki Blei ki jingryngkang hukum kynmaw ko paralok ka ïa dei doh dei snam bad ka jingbamsap. Ki briew hi baroh kim tip kaei kane ka bamsap bad ynda la leh ïa ka aiu kan jia ïa u/ka.
Namar lada uno uno lane kano kano ki bamsap ka mut ba ki ioh ruh ïa ka jingmyntoi ba tang shimet.Peit thuh haba ngi mih na ki ïing ki heh saipan lane ngi mih na ki ïing ki heh sorkar tang poi ha surok pat la iohi ïa ka jaboh ba la tabain lut ïa ka surok ki nala la shu blok da ki plastic. Hynrei haba don pat ha ïing jong ki sngew bad iohi ïa ka jingkhuid suda. Hangne kein nga mut ban ong ba ka bamsap shisha ka pynmyntoi tang shimet. Ki don ki paramarjan jongnga kiba don kiba ha ïing sha ri Bilat bad haba ki ju wankai teng teng ki ju ong beit ïa la ki jong ki ba ha ïing ban leit drive kham sha jngai ba ki ong hana ba sngewtynnad palat ka lynti Shillong shisien pat nga la kylli ïa ki ba kaei ka daw ba man ba wan shu leit drive beit? Ki, ki jubab kumne shathie sha ri Bilat kumba khuid ki ïing jongngi kumta ruh khuid ki surok ki nala shong kali ruh ym ju sngew ba shong kali sngew pynban kumba shong jhad namar ba bha palat ka lynti hynrei shane pat sngewtynnad bha ban shong kali ba ki kali ki pawing shane shatai namar bym ju sngew te mo shathied kumta nga sa sngewtynnad shane tang ban leit drive. Mar ïohsngew ïa kita ki kyntien la dung ngak da ka jingpynrem hapoh dohnud jong nga.
Nga sa sngewthuh keiñ ba ka daw tynrai dei na u thlen jong ka jingbamsap na ka por sha ka por.Da ki hajar hajar snem mynshuwa la don kawei ka jingjia kiba ngan sa ïathuh ïa phi mynta. Don uwei u Dken uba la don ka kurim jong u bad kine ki la don uwei u shakri uba bha bha. Une u shakri u la sah jngai na ka ïing jong ki kumba 2 miles eiei bad da ka jingïoh kaba u ïoh na ki u la lah ban bsa suk ïa la ka ïing ka sem. Ha kawei ka sngi kane ka lok jong u Dken ba ka la isynei eh ïa la u jong u shakri bahok ka la khot sha la ka kamra ynda ka la khot ka la ong ha u me tip em ba u Kynrad jong me lah ban pynkylla ïa ka nusib jong me? (Namar ba u dei u Dken) te balei mem pan na u ban pynkylla noh ïa ka nusib jong me ba men kham bit kham biang.
Hynrei une pat da ka dur ba phuh samrkhie u la ong em ngam pan namar ïa ka kupar jongnga la buh u Blei ban long kumne bad nga hun beit ha kane. Bad kane ka lok pat da kaba sngewsynei eh ïa uta u shakri ka la leit hi sha la u jong u lok ban kyrpad ban pynkylla noh ïa ka kupar jong u. Hynrei une u Dken ruh u la kyrngah ha kaba nyngkong hynrei ynda la iai pynbor ïa u da la ka kurim u la kohnguh ban leh kumta.
Te ha kawei ka sngi shuwa ba uta u shakri un mih na la ïing ban wan sha ïing uta u Dken.U Dken u la dep siang lypa da ka ksiar suda naduh na ïing jong uta u shakri haduh ha ïing la jong bad u ong ruh ïa la ka jong ka kurim phi peit mynta u nongtrei jongngi un leh kumno ynda un ioh ïa kata ka ksiar ba la siang. Te une u shakri pat u pyrkhat halade shuwa ba un mih na la ïing u ong ba ïa kane ka lynti nga ju iaid man la ka sngi ban poi sha ïing ki kynrad jong nga.Te mynta ka sngi ngan shu iaid khapbrib noh ban peit la nga lah ne em ban poi haduh ha la u kynrad. Kumta uta u shakri naduh na dwar jong ka jingkhang u la iaid khapbrib haduh ban da poi ha ïing u Dken (u kynrad jong u) bad lehnohei lut kita ki ksiar ba la siang na ka bynta jong u naba u khlem ïohi ïa kata kaei kaei ruh em.
Hynrei ha ka juk kaba mynta pat ki briew kim hun shuh ïa kaei kaba u Blei u la buh ïa ki ban long. Ki leh ban thom da ka bor ban pynhun ïa la ki jingkwah. Shuwa ba ngin wan sha ka pyrthei. U Blei Trai Kynrad u la dep thoh lypa ïa ka kupar ka jongngi. Hynrei ym don uba sngewthuh ïa kata kumba la sngewthuh da une u shakri.
Hato lada ma nga ma phi ruh ngin hun ha kaei kaba u Blei u la buh ïa ngi phi tharai ba ka jaidbynriew kan hiar dor haduh katne katne ka jingbymhun jongngi ka pynkha roi ruh ïa ki jingpang ba bun jaid. Namar kane ka jingbym hun ka jongngi ka pynlong ïa ngi ban shu ioh noh da ka bor bad kumta ngi sa sdang ban bamsap bampong noh kein. Bad kane ka jingleh bym dei jongngi ka pynsuh thied ruh haduh ha ki khun ki kti bad ka ktah ruh ïa ki ïing ki sem ki jongngi kaba ngim lah ban peiphang haduh ban da ïap noh ruh.Te kumta u Blei Trai Kynrad u la phah da la u shakri u jong u u Ioannis ban ai jingmaham bad kyntu ïa ki briew ba dei ban hun tang ha ka bainong ba la ioh bad ym dei ban tam palat ïa kata.
Te kita ki paidbah ki la kylli ïa u aiu te ngi dei ban leh? U la ïathuh bad u la ong te ha ki jar uba don artylli ki sopti un ïa sam bad uta u bym don bad jar uba don ki jingbam to un leh kumjuh ki nongkhrong ruh de ki la wan ba yn pynbaptis ïa ki bad ki la ong ha u ko Nonghikai aiu ngi dei ban leh? U la ong te ha ki wat khrong tam ïa kaba la buh ïa phi ki shipai ruh ba ki la kylli ïa u ki da ong ngi pat ngi dei ban leh aiu? U la ong ruh ha ki wat leh jubor iano iano ruh lymne wat shim klop eiei to sngewhun ruh bad la ka bainong Luke 3-10. Ko para khasi khara paradoh parasnam nga da kyntu kynpham ïa phi ha ka kyrteng u Trai bad u Nongpynim jong ngi u Jisu Khrist. Naduh kiba bat ïa u dieng jong ka jingsynshar haduh u rit u rain ba ngin kiar rai maw raidieng na kane ka bamklop bad ngin bret noh sha ba sep ka sngi shaba ngen u bnai ïa kane ka bamsap.
Elas Khongsti
