MAWKYRWAT:
Myn ha ka janmiet jong ka 12 tarik Rymphang 2024, ha ka por 6 shiteng eiei ki nongshong jong ka Mawkyrwat South West Khasi Hills District ki la ïoh ban bat ïa uwei u nongtuh katba u dang pyrshang ban tuh ïa ki taïar kali na kawei ka ïing jong kaba hap hapoh ka shnong Mawkyrwat kat kum ka jingïathuh ki nongïalam jong ka Seng Samla Shnong Mawkyrwat ba ïa une u briew la tip kyrteng kum u Stevenson Tongwah.
Katkum ka khubor ba la ïoh lum la ïathuh ba une u nongtuh katba u dang pyrshang ban tuh ïa ki taïar kali uwei u khynnah samla dong u la ïohi bad u la peit siar bha tad ynda u la ithuh ba dei u nongtuh u la hylla briew bad kumne ki samla dong ki la mih bad bat noh ïa une u nongtuh, hadien ba la ïoh bat la pyntip noh sha ki bor shnong, na ka liang ki nongïalam shnong ki la aiti noh sha ki bor pulit bad na ka liang ki bor pulit ki la shimti noh ïa une u nongtuh bad ka jingtohkit ka dang ïaid sha khmat ban lap shuh ïa kiba don kti, la ong ba une u briew u dei uba la ju mlien bha ha ki kam tuh bad u la ju poi patok ruh la bun bun sien na ki kam tuh jong u, ong u Bah S. Nongrum uba dei u Vice-President ka Seng Samla Shnong Mawkyrwat.
