SHILLONG
Ka Jyntru FC ka la pynliem noh ïa ka Seng Samla Laitryngew da 9 la ha ka lympung ïalehkai jong ka Meghalaya State League 2023 ha ka jingïakhun jong ka Group-A Shillong Zone kaba la long hapoh madan MFA Turf hangne hapoh nongbah Shillong.Haba phai pat sha kawei pat ka jingïalehkai kaba la long ha Jowai Zone ka Niaw Wasa United ka la pynliem noh ïa ka Youth Club Pdengkarong da 2 la 1 ha ka jingïalehkai jong ka Group-B kaba la long ha Jowai.
Katba ha ka jingïalehkai kaba la long sha Tura, ka Wasa FC ka la pynliem noh ïa ka Warima Youth Club da 3 la 1 ha ka bynta jong ka Group D kaba la long ha Tura, bad ka jingïalehkai jong ka Mawkyrwat zone, ka Riangdo YSCA ka la pynliem noh ïa ka Mawten SC da 1 la 0 ha ka jingïakhun jong ka Group C kaba la long ha Mawkyrwat.
Ki jingïalehkai ba mynta ka sngi ka 23 tarik Jymmang na ka bynta ka Group-A, (Shillong) ka Umkseh SC kan ïalehkai pyrshah ïa ka Mawlai SC ha ka por 3pm mynsngi, ha ka Group-B, (Jowai) ka Sein Pynbhalang kan ialehkai pyrshah ia ka Rymbai Iawpynsing ha ka por 2:30pm mynsngi, ha ka Group-C, (Mawkyrwat) ka Seven United kan ïalehkai pyrshah ïa ka Pyndengrei ha ka por 3pm mynsngi bad ha ka Group-D, (Tura) ka Atong Matgrik kan ïalehkai pyrshah ïa ka Chipakkore ha ka por 3pm mynsngi.