Ka Executive Board of Directors jong ka World Bank ka la mynjur ban ai108 million US dolar kum ka ram ia Assam ban pynbiang ia ki jingdonkam bapher bapher, kum ka jingpyn-khreh ia ka jingwan lynshop lynsher jong ka mariang. Kane ka project kan wanrah ia ka jingmyntoi ia ki 60 lak ngut ki nongshong shnong jong ka Assam.
Kane ka jingshibynta na ka 500 million US dollar jong ka jingbei pisa na ka bynta ka Assam, la iathuh ka World Bank. La iathuh ba ka Assam Integrated River Basin Management Project ka long ban iada ia ka jingshlei um bad ka jingrong noh jong ka um ka ka khyndew hajan jong ki wah shilynter jong ka Beki and Buridehing river basins. Kine ki jingtei bad jingker kin iada ia ki 1,00,000 ki nongshong shnong. Kane ka project kan pynkhlain ruh ia ka jingialeh pyrshah ia ka jingshlei um da kaba bun ruh ki kor ki bor ai jingtip kiba ia dei bad ka jinglong jong ka suin bneng.
Kane ka jingai jingtip shaphang ka jinglong jingman jong ka mariang, kham tam ka jingpyntip kaba lah ban ktah da ka mariang, yn sa leh da ki nongtrei jong ka Sorkar.Kane ka jingai jingia-rap, kan kynthup ia ka jingai jaka shong jaka sah kiba biang, kiba yn ym lah ban pynshitom ia u khunbynriew da ka mariang. Kine ki jaka ai jaka rieh bad jaka shong jaka sah kin lah ban pdiang ha duh 10,000 ngut ki briew.
Kine bun na kine ki jingtrei kam lyngba katei ka project ki long ruh ban iarap ia kito kiba don kti ha ka jingai jingiarap ia kito kiba shem jingeh bad shemlanoh ha ki jingjia ba wan lynshop lynsher ka mariang ha kano kano ka por. Yn pynkhlain shuh shuh ruh ia ki jaka ai jingiarap kyrkieh, ia kiba la tip kum ka Stat bad District Emergency Centres.
Ka jingshlei um ha Assam ha ka snem 2022 ka la ktah da lak ngut ki nongshong shnong jong ka Assamk. Ia kane la iathuh da u u Auguste Tano Kouame, uba long u World Bank’s Country Director for India. Kouame u la iathuh ba kane ka project kan long na ka bynta ka Disaster Rick Management jong ka Assam ban ialeh pyrshah ia ka jingpynjulor jong ka mariang bad ha ka juh ka por, kane ka project kan long ruh ban iada ia ka jingdon jingem jong ki paidbah nongshong shnong jong ka Assam.
Kane ka project ka long ruh ban ialeh pyrshah ia ka jingshlei um ha Assam bad ka rong noh jong ka um ia ka khyndew bad ban pynbha ruh ia ki jinglong jingman jong ki wah. Ki wah ki long ka jingim na ka bynta jong ka Assam bad ki long ka jingdon jingem jong ka jylla Assam.
Ka jingshlei um, ka jingrong noh jong ka um ia ka khyndew, ka ktah ia ka trei ka ktah jong ki nongshong shnong, ka ktah ia ka jinglong jingman jong ka mariang bad kum juh ruh ia ka ioh ka kot jong ka Assam.
Ka Sorkar Assam ia ka iathuh ba ka jylla ka don hapdeng ka jingma na ka jingman na ka jingkylla syndet jong ka mariang, ha kaba u slap u la ban kiew na hapdeng 5 bad 35 na ka 100 bad ka jingshlei um ka lah ban kiew sha ka 20 na ka 100. La iathuh ba ka jingma kaba ap ia ka Assam ka long na ka jingshlei um, kaba lah ban kiew haduh 25 na ka 100 na ka daw jong ka jingkylla jong ka mariang.
“Ka jingiatrei lang hapdeng ka Water resource management bad disaster preparedness ka long kaba donkam haduh katta katta ban iada ia ki jingdon jingem jong ka Assam ba kan lah ban pynkiew ia ka ioh ka kot jong ka.
ïa kane la iathuh da u Greg Browder, Anup Karanth, and Satya Priya, kiba long ki nongialam jong ka Task Team Leaders jong kane ka project. Kane ka project, kan iarap ha kaba sain dur ban pynlong ia ki shong ki thaw kiba lah ban ialeh pyrshah lada wan ka jingpynjulor da ka mariang ia u khunbyn-riew, kum kaba pyn-biang lypa ia ki jaka rieh, ki jaka shong jaka sah ia ki nongshong shnong kiba shah ktah ha ka mariang bad ban pynbiang lypa na ka bynta ka jingbuh ia ki sem ki jaka ban iada ia ki jingri jingdup lada donkam kyrkieh.
